RDI ( Relationship Development integration )
يعد برنامج ال RDI من برامج التأهيل الخاصة بجزء العلاقات الاجتماعية وهو برنامج منهجي متدرج يهدف إلى مساعده الأطفال علي تكوين علاقات شخصية (أن الطفل يعرف يعمل صحاب) ويساعده علي التوافق والاندماج مع من حوله من أشخاص
البرنامج يقدم حلولا للتعامل مع المشكلات الاجتماعية من سن سنتين حتى سن المراهقة يعني كل سن بيكون ليه مراحل معينة لتخدمه
الفئات المتاح ليها تاخد البرنامج من الأطفال؟!
التوحد
الخجل الاجتماعي
الصمت الاختياري
فرط الحركة وتشتت الانتباه
RDI أهداف برنامج
أولا البرنامج يساعد الطفل علي التفكير المرن لو طفل توحد هيكونة بتيميل في أغلب الأوقات للتفكير الثابت أو الروتيني وده مش بيساعده علي تطوير الكلام لأنه مش بيفكر بمرونه لكن بيتعامل بشكل روتيني مثلا عايز اكل عايز اشرب وبس لكن فين التواصل فين الحوار فبالتالي احنا لازم نطور طريقة التفكير الخاصة بالأطفال
ثانيا ان البرنامج بيزود انتباه الطفل للأشخاص هو ليه في تأخر في اللغه او في المهارات عشا تركيزه مع الأشياء اكتر من الاشخاص فبالتالي مش بيركز واحنا بنتكلم ولا بيكتسب لغه فبيتعلم بالكروت والبازل طيب هو هيفضل طول عمره يتعلم كده؟! ماحنا كل يوم بنتعلم جديد فبالتالي لازم نواجه المشكله نفسها ونشتغل علي انه يركز مع الاشخاص عشان يكتسب معلومات بشكل تلقائي
ثالثا التركيز على جانب اللغه البرنامج بيهتم بتطوير الكلام وان تطوير اللغه جانب اساسي في البرنامج هنا اللغه بتمش بشكل مرتب جدا طيب ازاى بنعلم الطفل يعملنا مرجعية بصرية فبيتعلم مننا تعبيرات الوجهة والاشارات غير اللفظية وبعدي بيتدرب انه يستخدمها كإشارات للتواصل غير اللفظي وبعدها بيشتغل علي التواصل اللفظي
رابعا قواعد اللعب ابنك مش بيعرف يلعب لعبه جماعية زي استغمايه مثلا عشي مش فاهم قواعد اللعبه زى انه يستخبي او يدور علي حد لازم الطفل يتعلم ان كل لعبه ليها قواعد ويلتزم بيه
خامسا هيكون وقت اننا نشتغل علي المكسب والخساره اكتر حاجه هتدى الطفل دافع انه يستمر في المشاركه انا كسبت فعايز اكسب تاني او خسرت فعايز اعوض المفاهيم دى لازم تكونا واصله للطفل كويس
سادسا اللعب التبادلي تبادل الادوار من أساسيات تطوير اللغه الطفل لو معرفش يبدل دوره معاك في لعبه مش هيقدر يعمل حوارا يعني يستني لما تتكلم ولما تسكت هو يبدأ يتكلم التبادل في اللغه مش هيحصل غير لما يحصل في لعب
سابعا البرنامج بيعلم الطفل التنظيم الإنفعالي والمرونه في الحياه وحل المشكلات
